MAMANGU
by Desma Winnie Wood on Thursday, September 2, 2010 at 6:46pm ·

Mamangu, 
Unavyozidi kua 
Dunia inabanduka  
Nahofia waweza ukabanduliwa. 

Wajua tena 
Sipendi haya mambo 
Ya kua mbali nawe . 

Waelewa fika 
Kama navyokupenda
Moyo si wangu 
Maanake unakwenda mbali nami

Nenda chuo kasome
Mengine Mwenyezi Mungu atakujalia
Niskize mamangu tena kwa maakini
Babako ajivunia kisomo chako
Watu hapa mjini wamuonea ghere. 

Mama usitutie aibu hata kuchao
Heshima ile niliyokufunza 
Urejee nayo hapa kwangu

Mwanangu dunia rangi rangile
Kesho upakwe hili kisha lile
Bibie naomba ubakie hili rangi 
Siku zako zote chuoni

Raha nyingi vilevi na hayo mengine 
Yasikugeuze tusijekuelewa. 
Mama nenda chuo soma. 

Mchumba utampata baadaye 
Usiwe mbioni
Msikize mwalimu 
Heshima umpe ndio ufuzu

Mamangu nakupenda 
Machozi yanikimbia viwili viwili
Sitoyapangusa mimi maanake 
Wewe kipenzi changu

Umeona mengi tayari 
Sioni mengine yapi watarajia
Fika pale soma pata cheti 
Ufurahie yale alokupangia Rabuka 

Nakupenda sana mwanangu
Mahuluki akujalie mahitaji yako yote
Kila kukicha.